 Observaciones |
|
|
O Club de Prensa de Ferrol volve a traer a Vilagarcía a exposición do prestixioso certame de fotoxornalismo “Galicia en foco”. As mellores imaxes tomadas no último ano polos gráficos dos medios de comunicación da nosa comunidade poderanse admirar na mostra que permanecerá ata finais do mes de setembro na Sala Antón Rivas Briones. Case 90 imaxes que ilustraron a actualidade na pensa galega.
Nesta décimo novena edición de Galicia en Foco recóllense as fotografías tomadas polos fotoxornalistas galegos entre setembro de 2007 e setembro de 2008. A mostra, de carácter itinerante, leva case un ano rulando polas cidades galegas dende que fora inaugurada en Ferrol o pasado mes de novembro. En Vilagarcía fai este mes a súa penúltima escala. De aquí irá a Betanzos, onde pechará o círculo.
Un total de 40 fotoxornasliatas que traballan nos medios de comunicación de Galicia participan nesta mostra, dos cales cinco son arousáns. Eles son Mónica Ferreirós, Iñaki Abella, Martina Miser, Carlos Puga e José Luiz Oubiña. Este último, cunha imaxe da rapa das bestas, é o gañador da vinte edición de Galicia en Foco, cuxa exposición inaugurarase o vindeiro mes de novembro en Ferrol. A Foto de Oubiña será a que ilustre a portada do seguinte catálogo.
Ademais dos fotoxornalistas arousáns, na exposición hai fotos de profesionais como Kiko Delgado, Carlos Folgoso, Guillermo Sotelo, Xan Xiadasm, Salvador de Sas, Jesus Rey “Otto”, Eva María Domínguez, Moncho Fuentes, Vanessa Casteleiro ou Diego Villar, entre outros. |
