Observaciones |
|
|
O prestixioso Coro Ciutat de Tarragona, dirixido por Josep Prats, está a celebrar o vixésimo quinto aniversario da súa fundación cunha xira estatal que fai escala no Auditorio Vilagarcía. Ademais da coral catalana, neste concerto actuará tamén o Coro Liceo de Vilagarcía, dirixido por Margarita Guerra.
O concerto dará comezo cunha breve actuación, a xeito de benvida, do coro vilagarciano, que interpretará tres pezas. De seguido, o Coro Ciutat de Tarragona acompañado polo pianista Jordi Torrent cantará El Mirador, de J. Vila. Na segunda parte do concerto o coro catalán interpretará un variado programa que inclúe textos de García Lorca, cancións cubanas e mesmo unha sardana.
Para rematar o concerto, os dous coros cantarán conxuntamente unha obra catalana e outra galega. |