 Observaciones |
|
|
Baixo o título de “Sabemos o que comemos?”, a Oficina Municipal de Información ó Consumidor (OMIC) de Vilagarcía organiza un obradoiro práctico no que os asistentes terán a oportunidade de prender a descifrar os etiquetados dos produtos alimenticios. Este xeito, o servizo dependente da Concellería de Promoción Económica e Innovación pretende que os usuarios saiban realmente o que comprar e, por conseguinte, o que comen, incidindo así na mellora da súa dieta e tamén da súa saúde.
O encargado de explicar o significado de todos os termos que figuran nas etiquetas, así como daqueles datos que se omiten, será Manuel Domínguez Rei, licenciado en Bioloxía e especialista en educación ambiental.
Coñecer o significado real de palabras que aparecen nos produtos e nos anuncios como “bio” ou “light”, as avantaxas ou os inconvintes que presentan, saber cales son os aditivos máis utilizados e as súas propiedades, e mesmo as características, beneficios ou prexuízos de cada tipo de envase, son outros dos aspectos que se abordarán no curso. O relator tamén explicará as claves para que os usuarios.-compradores saian descifrar na etiqueta información tendente ó xeito no que foi cultivado ou producido ese alimento, o custe ambiental que tivo por exemplo á hora da utilización máis ou menos racional da auga no proceso de produción ou transformación, se foi precisa a utilización de abonos ou insecticidas, si se trata de un alimento transxénico ou modificado xeneticamente e a repercusión que todo isto pode ter na saúde de quen o produce ou consume.
|
