 Observaciones |
|
|
Sarabela Teatro representa Dáme Veleno, un texto escrito e dirixido por Ánxeles Cuña Bóveda que se enmarca no xénero do drama. Fernando Dacosta, Sabela Gago, Elena Seijo, Xosé A. Porto "Josito", Tito R. Asorey, Fina Calleja, Nate Borrajo e David Varela compoñen o elenco desta obra.
Un avó e unha avoa, moi especiais, preocupados pola súa descendencia , tentan comunicarse con ela dende o alén. Un dos seus netos vive coa indefinible sensación do desaxuste co mundo, mentres as súas tías teñen a tola esperanza de poder axudar coas súas accións a facer máis levadeira a existencia dos infelices. Unha parella de actores disposta a non deixarse arrebatar a súa paixón. Outro neto perdido e recobrado; unha acompañante misteriosa, e un avogado a piques de perder o tren, tecerán un novelo fantástico. Obra para disfrutar das sorprendentes sensacións que nos invaden cando non sabemos que nos espera detrás dunha porta ou cando tentamos atrapar a verdadeira natureza dun grupo de seres humanos no trebón da vida ao límite. |
