 Observaciones |
|
|
Patricia de Lorenzo e Natalia Outeiro "Pajarito" son as dúas actrices que protagonizan "Testosterona", a obra coa que se pecha o Ciclo de Teatro Galego de Primavera.
Despois de 20 anos de traxectoria,Teatro Chévere presenta esta obra que cuestiona a división normativa da sociedade en dous sexos e plantexa a posibilidade dun xénero de código aberto, copyleft, modificable e flexible.
Ciencia, hormonas, leis, armarios, tecnoloxía, educación, natureza, industria, cultura, capital, rock'n'roll, política..., todo se confabula para artellar esta peculiar ditadura de xénero que nos domina.
Testosterona é un exorcismo emancipatorio e teatral que se sirve tanto da música en directo, a performance, o transformismo, a comedia, o naturalismo, ou o vídeo, como do silencio, a pouca luz ou a simple blasfemia. Sen renunciar aos elementos propios do teatro Chévere: humor, irreverencia, complicidade co público..., Testosterona explora tamén o territorio das emocións.
|
