Observaciones |
|
|
Levan case un ano e medio preparando este espectáculo. Todos eles son afeccionados pero algúns contan xa cunha longa traxectoria no mundo da danza, do teatro e da canción. Son en total máis de 50 artistas, de entre 5 e 26 anos.
Baixo a dirección de Ricardo García conforman o grupo de cantantes e de baile moderno da academia de animación sociocultural Nydia de Vilagarcía, que este sábado porá en escea no Auditorio un espectáculo no que revisitan algúns números do mellores musicais de onte e de hoxe.
A primeira parte estará composta por números dalgúns dos primeiros musicais, como Jesucristo Superstar, Grease, Fama, Flashdance, Annie ou Cats.
A segunda parte estará adicada a musicais moito máis recentes, con títulos como Moulin Rouge, We will rock you, Mamma mía, Hoy no me puedo levantar ou High school Musical.
Todos os números serán interpretados con voz en directo por un grupo de oito cantantes e reinterpretaranse, aínda que con pequenas adaptacións, as coreografías orixinais. |