Observaciones |
|
|
A compañía Redrun Teatro presenta "A Pensión", a que pasa por ser a primeira obra teatral que se fai en Galicia no xénero do suspense.
"A Pensión" é un conto de suspense que explora as consecuencias da soidade. Mergullándose nun mundo interior complexo, produto do abandono, do illamento e da falta de comunicación. Fala de como todos estes factores poden corromper ó ser humano e despoxalo da capacidade de emocionarse e ser feliz. E de como isto desemboca nunha existencia gris, marcada polo silencio, pola desconfianza e a obsesión.
“A Pensión” conta a historia de Rosa, unha muller que viviu pechada entre o traballo e a responsabilidade que só lle ensinou a vivir para os demais. A facer sempre o correcto. De cómo esa muller é incapaz de superar eses esquemas cando xa non ten a quen coidar, de cómo o abandono dun ser querido reverte na súa mente encerrándoa nun mundo de negación. Rosa busca desesperadamente un alma xemelga que cure a súa soidade pero é absolutamentre incapaz de confiar en ninguén.
“A Pensión” aborda a cuestión das relacións humanas e da convivencia contando a historia dun choque xeracional e cultural entre a mocidade e a vellez, e expoñendo as consecuencias de falar unha mesma lengua con diferentes significados.
A obra está dirixida por Álex Sampaio, director da serie de televisión “El internado” e de varias temporadas doutras series na Televisión de Galicia como “Padre Casares”, “Terra de Miranda” ou “Valderrei”.
No elenco figuran a veterana actriz Rosa Álvarez e os mozos Guillermo Carbajo (o Roi de “Pratos combinados”) e Tamara Canosa (protagonista da película “Pradolongo”).
|