 Observaciones |
|
|
Como nas últimas edicións, a festa dos Maios de Vilagarcía non terá carácter competitivo, polo que todos os participantes que cumpran as bases recibirán como agasallo unha achega económica e unha rosca.
Deste xeito a Concellería de Cultura pretende favorecer a participación e a recuperación desta antiga tradición popular dos maios, relacionada coas celebracións da chegada da primavera e os pregos e agradecementos polas boas colleitas.
Seguindo tamén a tradición, as modalidades de maios a expoñer van ser os maios cónicos e artísticos, e as cruces de maio, caixas e barcos.
A Festa dos Maios consistirán na exposición dos traballos e na interpretación das coplas que presenten os grupos, que terán que estar compostos por un mínimo de 4 persoas (no caso das cruces de maio, caixas e barcos) ou de 8 ou 25 persoas (no caso de cónicos e artísticos).
As achegas económicas que recibirán os participantes oscilarán entre os 40 e os 300 euros, dependendo do número de integrantes, a categoría e si de participan con ou sen cantiga.
Inscricións
A este certame poderán concorrer todas as persoas, centros educativos e colectivos de Vilagarcía, sen limitación de número ou idade. O número de persoas fixarase segundo as categorías.
A inscrición deberá facerse nas oficinas da Concellería de Cultura, ubicadas no Auditorio de Vilagarcía, ata as 14:00 horas do día 30 de abril.
|
