Observaciones |
|
|
A tradición do Maios en Vilagarcía –a súa elaboración, a súa tipoloxía, os seus significados, etcétera- será o obxecto da charla que ofrecerá o músico e estudoso da cultura tradicional Carlos Rei e que está dirixida a todo tipo de público dende nenos a adultos.
Carlos Rei centrará a súa charla en subliñar os aspectos diferenciais que conserva a festa dos Maios en Vilagarcía. Na sua opinión, a capital arousá, e o municipio de Galicia no que se conservan máis variedades en canto a tipoloxía. “En ningún outro lugar hai cinco tipos de maios figurativos, e aquí temos as cruces, os barcos, as caixas, os artísticos e os cónicos ou palleiros”.
Rei, que é autor do libro “A festa dos Maios no concello de Vilagarcía”, explicará na súa charla os modos de elaboración de cada un dos tipos de maios. Tamén falará da música e das cantigas que os acompañan, así como doutra serie de tradicións que aínda se conservan en torno a eles.
Algunhas destas tradicións, sinala o conferenciante, son practicamente descoñecidas como o “alumear o pan” ou a “bendición dos campos”. Outras, polo contra, están a acadar cada vez unha maior presencia como a colocación de ramos nos piornos e vehículos agrícolas, e, agora tamén, nos automóbiles. |