 Observaciones |
|
|
O terceiro concerto do ciclo Galegos Hoxe! inclúe a estrea absoluta de dúas obras musicais compostas especialmente para este ciclo. Trátase da peza “Arde Lorenzo”, composta por Juan Carlos Martínez Fontana, e de “Inner sound and whispering”, de Javier María López. Neste concerto tamén terá lugar a estrea absoluta doutra peza, “Improntu”, da que é compositor Juan Lois Diéguez.
O recital estará adicado á trompeta e contará coa interpretación do solista deste instrumento da RealReal Filharmonía de Galicia, Javier Simón, quen estará acompañado ao piano por Javier Gutiérrez.
Os intérpretes
Javier Simó [trompeta]
Trompeta Solista da Real Filharmonía de Galicia e profesor da Escola de Altos Estudos Musicais de Galicia. Realizou os estudos no Conservatorio de Castelló, para finalizar o grao superior no Conservatorio de Valencia con L. Vidal, conseguindo o Premio Extraordinario Fin de Carreira por unanimidade. Ten impartido diversos cursos en Galicia, Asturias, Zamora, Castellón e Cataluña coa Jove Orquestra Nacional de Catalunya. Dende o curso 2009-10 forma parte do profesorado do Centro Superior de Música do País Vasco Musikene.
Javier Gutiérrez [piano]
De pais chilenos, naceu en Wáshington en 1977. Comezou os seus estudos no conservatorio da Universidade de Chile e na Meadows School Of Arts da Southern Methodist University de Dallas. Realizou estudos de postgrao na Royal Academy of Music en Londres e na Universidade Mozarteum de Salzburgo. Ten realizado concertos xunto á Orquestra Sinfónica de Chile. Dende o ano 2006 é profesor repertorista da Escola Superior de Música Raíña Sofia en Madrid, e dende o 2008 catedrático no conservatorio superior de Zaragoza.
Os compositores
Juan Carlos Martínez Fontana
Tras un inicio co seu propio pai, Bernardo Martínez Alonso, prosegue a súa formación musical de modo autodidacta. Dende 1978 ata a actualidade traballa con nenos pequenos e con estudantes. Dende 1981, adícase profesionalmente á composición musical. Ten recibido encargos do C.D.M.C. do I.N.A.E.M., do Festival de Alicante, da cidade de Xenebra, das I Xornadas Internacionais de Arpa, da Xunta de Galicia... Nos últimos tempos compón a música para os espectáculos teatrais «Negro é negro» (Matarile Teatro) e «Kinuta» (Theater Asou, Graz, Austria).
Javier María López
Comezou os seus estudos de música na súa cidade natal, Lugo, onde obtivo o Grao Superior na especialidade de Frauta Traveseira. Na súa formación como compositor, amen da súa preparación autodidacta, asiste a cursos de música contemporánea con compositores como T. Murail, P. Hurel, F. Hass, C. Camarero ou A. Posadas. Tamén no eido compositivo, o seu catálogo abrangue diferentes obras para formacións de cámara ou orquestra. No ano 2005 obtivo o premio de Composición Constantino. Dende o ano 1995 é profesor titular de Música no Ensino Secundario. Do mesmo xeito, dende o 2003 é profesor titular de Historia da Música no Conservatorio.
O programa
Ademais das obras de Martínez Fontana e Javier Mmaría López, e da estrea absoluta da peza de Juan Lois Diéguez, o programa deste concerto complétase con obras de Sofía Gubaidulina, Eugènne Bozza, Jesús González, Alexandre Goedicke e Franz Schubert.
|
