 Observaciones |
|
|
A Concellería de Educación organiza no marco das actividades extraescolares e didácticas da Escola de Música de Vilagarcía o concerto que ofrecerá a xoven pianista Noa Picos Peliquín.
Esta moza, de 23 anos, ). comezou os seus estudos musicais no conservatorio desta cidade coa profesora Lourdes Sánchez Décima, coa que continuou até rematar o grao medio. En xuño de 2005 superou as probas de acceso ao Conservatorio Superior de Música da Coruña, centro no que continuou os estudos cos profesores Reyes Rey, Pablo Ferreño e Irina Moriatova.
Recibiu clases do profesor Alexander Gold na Escola de Música Berenguela de Santiago de Compostela ao longo de distintos cursos. Participou en cursos de formación instrumental tales como: “Interpretación pianística e orientación a preparación para grao superior” da man de Almudena Cano (2005), na Escuela Internacional de Música da Fundación Príncipe de Asturias co profesor Luca Chiantore (veráns 2008, 2009), “XXI Curso de Instrumentistas de Cuerda y Música de Cámara” co profesor Guillermo González, organizado pola Junta de Castilla y León (agosto 2009). Entre outros pianistas dos que recibiu clase cabe salientar Cecilio Tieles, Eldar Nebolsin, Magdalena Soveral, José Ramón Méndez, Eulalia Solé, Alexander Kandelaki...
Participou como solista no XII Ciclo de novos intérpretes da Asociación Galega da Lírica, Teresa Berbanza. Tamén recibiu clases de órgano dos profesores Joao Vaz e Bruno Forst. Paralelamente realizou estudos de maxisterio musical, finalizando esta diplomatura en xaneiro de 2010, na Universidade de Santiago de Compostela. Actualmente está preparando o recital fin de carreira coa profesora Irina Moriatova.
PROGRAMA:
Parte I
JOHANN SEBASTIAN BACH (1685-1750)
Fantasía en Do menor noº3, BWV 906
WOLFGANG AMADEUS MOZART (1756-1791)
Sonata en Si bemol maior KV 333
Allegro
Andante cantabile
Allegretto grazioso
Parte II
CLAUDE DEBUSSY (1862-1918)
Pour le piano
Prelude
Sarabande
|
