 Observaciones |
|
|
A Concellería de Servizos Sociais e a Unidade de Desenvolvemento Infantil e Apoio Familiar (UDIAF) organizan unha charla para promover a atención temperá de problemas de coñecemento e desenvolvemento entre os menores de 6 anos e para dar a coñecer o servizo que este colectivo está a prestar de xeito gratuíto nas dependencias do centro social do Ramal.
O obxectivo da actividade é sensibilizar aos pais e nais sobre os beneficios positivos que ten a detección precoz e a atención temperá das dificultades no desenvolvemento evolutivo que poidan ter os seus fillos, xa que, canto antes de detecten e traten, antes poden ser corrixidos e cun maior éxito. Por iso incidirase na sensibilización sociocomunitaria e darase a coñecer a existencia da unidade, dos programas que desenvolve, dos recursos existentes e da asistencia que xa se está a prestar en materia de atención e prevención.
Os máis dun cento de casos de nenos e nenas menores de 6 anos que estanse a tratar na Udiaf refírense a problemas de conducta, atrasos globais, problemas de linguaxe, cognitivos, afectivo-emocionais, motrices e sensoriais. |
