|
Desde os 90 Ugía Pedreira ven tendo presenza constante na música rock galega da man de grandes bandas: Xenreira, Nen@s da Revolta, Matraca Perversa e Galegoz.
No eido da música tradicional, destaca a súa participación no trío Nordestin@s , sobre cancións mariñeiras do norte de Galicia con Guadi Galego e o famoso pianista de jazz Abe Rábade e as súas propias composicións.
En xuño de 2006 presentou o seu primeiro disco con Marful, un disco considerado xa de culto da música galega, considerado por votación popular o mellor Disco do Ano 2006 segundo a Radio Galega. Con Marful Ugía Pedreira abriu a caixa de Pandora e o revival da música popular de autor.
Froito das súas numeross inquedanzas, no ano 2000 fundou o Conservatorio de Música Tradicional e Folque de Lalín, e, desde aquela dirixe este centro referencia do folk en Galicia, transformado agora na Central Folque
Actualmente Ugía Pedreira está preparando o novo disco de Marful que sairá en septembro do 2010 . Neste mesmo verán tamén verá a luz a súa primeira obra asinada en solitario: un libro-cd de poemas e cancións ‘Noente Paradise’.