|
Veñen de recibir o premio ao Mellor Álbum de Música Tradicional na última edición dos Premios da Música, outorgados anualmente pola Academia de las Artes y las Ciencias de la Música. E fixérono grazas a “Ao vivo”, o seu último disco ata o de agora. Un disco gravado en directo no teatro Colón da Coruña, co que conmemoran o seu 25 aniversario e no que participan artistas de renome como Luz Casal, Pedro Guerra ou Diana Navarro. Luar Na Lubre interpretará os temas deste traballo e outros no concerto que ofrecerán na Alameda.