 Observaciones |
|
|
O humorista galego Moncho Borrajo será o protagonista da gala benéfica organizada pola Asociación de Familiares e Enfermos de Alzheimer (Afasal), para conmemorar o Día Mundial do Alzheimer en colaboración co Concello de Vilagarcía. O evento contará tamén coa actuación do Mago Antón e dos artistas locais Juan Carlos Cambas e Monste Alonso.
Despois de dous anos dende que decidira retirarse da escena, o Moncho Borrajo fai unha excepción e volve a subir a un escenario para colaborar nesta gala solidaria en favor dos enfermos de Alzheimer, unha enfermidade coa que comentou sentirse sensibilizado. Pese á seriedade dos obxectivos da gala, recadar fondos para financiar os programas que Afasal desenvolve con enefermos de alzheimer, o cómico ourensá asegurou que a gala terá inmensas dosis de humor, “moi centradas no día a día e na actualidade da vida social e política de Vilagarcía, que para eso estamos aquí”, e será un espectáculo moi dinámico no que Borrajo actuará de mestre de ceremonias e no que se intercalarán as súas intervencións coas actuacións do Mago Antón e as pezas musicais de Cambas e Alonso.
|
