Observaciones |
|
|
Este Congreso organizado pola Federación Española de Jugadores de Azar Rehabilitados (Fejar) e a Asociación Gallega de Jugadores Anónimos (Agaja), coa colaboración do Concello de Vilagarcía, constará de diferentes poñencias e charlas informativas que terán coma tema central o xogo patolóxico e outras adiccións, así coma as formas de tratamento e prevención destas doenzas.
O Congreso, que ten como lema “Elixe a cor da túa vida”, conta coa participación dos principais expertos e terapeutas do estado español relacionados coas adiccións non tóxicas. As charlas comezarán en Vilagarcía os días 28 e 29, e continuará os días 30 e 31 no hotel Scala de Padrón.
Vilagarcía acolle a apertura do Congreso coa inauguración oficial ás 20.30 horas cunha presentación a cargo do presidente de Fejar, Máximo Enrique Gutiérrez.
A continuación terán lugar as primeiras conferencias. Ás 20.45 horas o psiquiatra Blas Bombín ofrecerá unha charla sobre “As novas tecnoloxías e as adiccións clásicas”. De seguido, será o director terapéutico de Agaja, Juan Lamas, quen impartirá unha conferencia sobre “¿Qué temos que facer en relación as modernas adiccións?”.
Pecharase a xornada ás 22.15 horas cun acto no que participará a Alcaldesa de Vilagarcía e os presidentes de Fejar e Agaja. |