 Observaciones |
|
|
O Auditorio de Vilagarcía acollerá entre os meses de outubro e decembro as sete obras que compoñen o Ciclo de Outono de Teatro Galego, iniciativa que trae ó municipio vilagarciá sete das montaxes que máis premios e representacións teñen acadado neste 2010 da man das mellores compañías galegas de teatro.
Tralo éxito acadado con “Imaxinarium” a compañía pontevedresa Expresións Producíóns aborda na súa segunda montaxe unha comedia emocional íntima, unha visión da vida tenra e con esperanza.
“Toda unha vida” é un espectáculo sorprendente, orixinal, que encandila ó público dende o inicio polo seu ritmo e os cambios constantes xa que conxuga momentos de gargallada e sorriso con momentos de emoción.
A obra está interpretada por Alberto Montes, Lucía Gálvez, Óscar Tosar, Viky Estévez, Vanesa Moreira, Irene López e Carlos Gálvez. |
