 Observaciones |
|
|
O músico de catoira, Roi Casal, presenta o seu novo disco cunha actuación en directo en Vilagarcía.
"Maxicamente vello", que así se titula, supón unha revisión da tradición musical galega e demostra que a música en galego non ten que ser necesariamente folk.
Sons pop que proveñen de instrumentos como a guitarra, a arpa, a zanfona ou o bouzouki, entre outros, e marcados polas voces de Roi Casal e Silvia Ferre, son algúns dos alicientes que encontraremos neste novo traballo do músico de Catoira.
Neste novo traballo, no que a maioría da música e a letra son compostas de xeito íntegro por Roi Casal, descúbrese a súa faceta compositiva.
Roi Casal está acompañado nesta xira por unha banda composta por Silvia Ferré (voz), Alfredo Susavila (teclados), Pablo Pérez (baixo eléctrico e contrabaixo), Dani Riveiro (percusión), Manu Conde (guitarras) e Alfonso Merino (violón, bouzouki e guitarra acústica). |
