 Observaciones |
|
|
Sondeseu é unha das primeiras orquestras europeas de música folk contemporánea. Cunha formación de 40 músicos en escea, o seu repertorio consta de temas procedentes da tradición oral da música popular de Galicia, arranxados especialmente para polos seus compoñentes e responsables das distintas seccións, que abranguen gaitas, percusión, zanfonas, violíns, requintas e frautas de madeira, canto, arpas e corda pulsada.
Sondeseu naceu no ano 2001 no antigo departamento de Música Tradicional da Escola de Artes e Oficios, hoxe Escola Municipal de Música Folk e Tradicional de Vigo, e-Trad. Trátase dunha experiencia singular que persigue a fusión entre formación especializada, práctica escénica e música en comunidade.
Dende entón leva unha traxectoria ascendente que a proxecta no panorama español e internacional, con tres discos publicados e numerosos recoñecementos públicos.
|
