 Observaciones |
|
|
'Un cranio furado', de Producións Teatrais Excéntricas, resultou a absoluta gañadora dos XV Premios María Casares, entregados o pasado 23 de marzo, erixíndose, con catro galardóns máis, como o mellor espectáculo teatral do ano en Galicia.
Dirixida por Quico Cadaval e interpretada por Evaristo Calvo (Mellor Actor Protagonista) Santi Romay (Mellor Actor Secundario), Dorotea Bárcena e Víctor Mosquera, a obra conta con eEscenografía e atrezzo de Kukas.
'Un cranio furado' é unha obra moderna, comercial, divertida, escrita por un explosivo e novo autor anglo-irlandés nos anos 90, Martin Mc Donagh. “Non é unha peza de terror, non é un policial inglés, non é unha serie de TV de forenses, non é unha festa dos Defuntos... mais ten un pouco de todo”, destacan dende Produccións Excéntricas.
Todo acontece nun cemiterio, onde o horror que se albisca na penumbra está sempre compensado polo humor, sorprendente, feroz, que se aparece tamén naqueles contos galegos que se contaban no outono acarón dos cabazos furados que os cativos transformaban en cranios para asustar ós camiñantes na noite. |
