Observaciones |
|
|
A Sociedade Protectora de Animais de Vilagarcía organiza durante a xornada do domingo unha nova edición do seu mercadiño benéfico para recadar fondos cos que contribuír a sufragar os gastos do albergue de animais de Pinar do Rei, que actualmente acolle a 150 cans. A entidade porá á venta artigos novos e de segunda man doados por particulares e empresas e tamén agradece donativos materiais, principalmente en alimento para os cans, así como productos de limpeza (vasoiras, guantes, cepillos...).
O mercadiño desenvolverase na Praza da Peixería en horario ininterrompido dende ás dez da mañá e as nove da noite do domingo. Ademais da zona de exposición dos artigos doados que se porán á venta (e nos que se poden atopar dende libros, a CDs musicais, xoguetes, peluches ou elementos de decoración, entre outras cousas), a Protectora instalará unha mesa informativa na que os asistentes poderán colaborar coa entidade de diverso xeito. Poderán facerse socios da Sociedade, mercar algúns dos seus produtos de merchandising (camisetas e bolsas ecolóxicas para facer a compra), e mesmo facer donativos en metálico ou , como se dicía antes, materiais. Neste ultimo caso, a entidade precisa especialmente pienso para alimentar aos cans.
Ademais, a Protectora habilitará un punto informativo dotado cun ordenador portátil no que os asistentes poderán ver as fotografías dos cans acollidos na actualidade no refuxio de Pinar do Rei, a efectos de que se animen a adoptar algún. Entre os 170 animais que a Protectora está a coidar nas instalacións municipais hai cans de todas as idades (dende cachorriños ata adultos), de diverso tamaño e tamén de varias razas, destacando neste punto os cans de caza e os palleiros ou mestizos.
|