|
O estadio municipal da Lomba será o escenario durante esta Semana Santa dos partidos correspondentes á fase previa do Arousa Fútbol 7. Mil seiscentos xogadores de 80 equipos sub 12 procedentes de España e Portugal participarán nesta primeira fase do que é un dos mellores torneos do mundo no que a esta categoría alevín se refire. De feito, na fase final, a celebrar no mes de maio, tomarán parte clubs tan prestixiosos a nivel europeo como o FC Barcelona, Liverpool, Borussia Dortmund, RC Deportivo da Coruña entre outros.
O Concello de Vilagarcía colabora na organización do Arousa Fútbol 7, cuxa fase previa desenvolverase no campo da Lomba entre o xoves 21 e o domingo 24 de abril. Serán doce horas diarias de fútbol nas que se baterán 80 equipos de Galicia, Asturias, León e Portugal co obxectivo de clasificarse para a fase final que terá lugar do 27 ao 29 de maio, tamén no estadio municipal da Lomba.
Os prezos para presenciar os partidos da fase previa son de 6 euros pola entrada dun día e 10 euros polo abono para as dúas xornadas. Os menores de 12 anos entran de balde.
Todas as noticias, calendarios, equipos confirmados para la final e demais información pódese consultar na web http://www.arousafutbol7.com .
Acto
