 Observaciones |
|
|
"Sentimentos" é o resultado da vinculación emocional que ten a autora con Galicia. Namorada desta terra e das súas xentes desde a súa adolescencia, embárcase no estudo da obra poética de Rosalía de Castro.
"Sentimentos" é unha colección de trece estampas xilográficas que ilustran diversos poemas de Rosalía. Nelas a paisaxe non é unha mera representación da natureza, senón unha imaxe poética que vai máis aló. Son imaxes de lugares que lle fan sentir ben, que lle transmiten sensacións de paz, tranquilidade, calidez; é un reflexo das súas emocións.
Este traballo xilográfico, ou gravado en relevo, está realizado coa técnica de xilografía á fibra que consiste en tallar madeiras que foron cortadas en sentido paralelo ao eixo do tronco. Con este sistema quedan no taco o veteado e os nós propios da madeira, o que ofrece numerosas posibilidades expresivas.
Así mesmo nesta exposición móstrase tamén unha serie de gravados calcográficos, entre os que cabe destacar a súa colección de espidos femininos efectuados coa técnica de augaforte e augatinta.
O gravado calcográfico, ou gravado en oco, é o realizado sobre ferro de metal. Na técnica da auguaforte cóbrese o ferro cunha capa de verniz sobre o cal se debuxa cun buril; o ferro mergúllase nunha solución de acedo nítrico que grava as liñas que deixaron o metal ao espido. Na técnica da augatinta cóbrese o ferro con pos de resina de colofonia que, quentando logo adhírense á superficie formando granitos que quedan gravados despois mediante a acción do áciddo nítrico.
Como soporte para a estampación utilizouse un papel feito a man, 100 % algodón e ph neutro. É un papel poroso que favorece a correcta absorción da tinta, e como todos os papeis feitos a man ten os bordos desiguais, con "barbas".
|
