Observaciones |
|
|
Concerto previsto para a praza lateral do auditorio, no paseo de Elpidio Villaverde, en dirección ó porto deportivo.
Os High Serras fórmanse na caótica cidade de Vigo no verán do 2001. Os compoñentes da banda son vellos coñecidos da minoritaria e marxinada escena underground local. Contan coa experiencia de formar bandas como Merry Melodies, Foggy Mental Breakdown ou Doutor Five entre outras.
O nome da banda está tomado do clásico de Raoul Walsh “High Sierra”, protagonizado por Humphrey Bogart e Ida Lupino, e estreada en España co título de “O último refuxio”. Toda unha declaración de principios para a banda, e unha temática que marcará gran parte das cancións dos “Sierritas”: Rifles, fuxidos, perdedores e vinganza... a eterna loita entre o imposto e a rebeldía. “Fai o que queiras e colle o que poidas”. A base musical que arroupa tan substanciosa temática non é outra que a billonésima reencarnación do rock´n´roll en estado puro.
“Tumbling Dice” naceron en Vilagarcía en 1996 cunha convicción: gozar da música. Da súa música, o rock & roll. Unha música con identidade propia que empapa os seus concertos e que se foi curtindo a base de directo, ensaio e moito, moito talento. A principios do 2002 gravaron e auto-editaron un novo cd con dez temas propios, outra vez cos seus propios recursos, que é unha auténtica marabilla: unha banda que toca R&R do bo, reggae, temas lentos ao piano e ata se atreve coa bossa nova. |