Observaciones |
|
|
Habelas hainas, e o sábado 25 de agsoto estarán todas en Vilagarcía para participar na Noite das Meigas. Esta convención infernal encherá as rúas de bruxas, magos, demos, druidas e todo tipo de seres máxicos e diabólicos que animarán a velada sabatina. Nove aldeas meigas aparecerán en opuntos como a Alameda, a explanada TIR, a Praza da Peixería, a Praza de Galicia, Rúa Méndez Núñez, A Baldosa, Praza de España, Praza de Arcebispo Lago e Avenida da Mariña. A Noite das Meigas comezará ás 23:00 horas e á media noite procederase á queima da gran meiga, un espectáculo pirotécnico na Mariña. Aquelarres, pócimas e venta de productos esotéricos completan a oferta de productos gastronómicos típicos, queimada e rosqueillas que se repartirán de xeito gratuíto en cada aldea meiga. Tamén haberá un concurso de disfraces e premios para quen percorra, alomenos, cinco dos poboados selando a tarxeta que deben retirar no posto central da Alameda. |