 Observaciones |
|
|
Das catacumbas do underground neoiorquino, do que foron unha das súas grandes atraccións nos últimos anos, á portada das máis populares revistas de tendencias. Das actuacións en clubs minúsculos a gozar do status de celebridade de moda e artista do momento. Este é o camiño cheo de xiros inesperados e meandros imposibles que percorreu Eugene Hutz, un ucraniano de orixe xitana que abandonou a súa Kiev natal xunto á súa familia nos días posteriores ao desastre nuclear de Chernobyl e que pasou sete anos nun campo de refuxiados antes de atopar porto de acollida en Nova Iork.
Na Gran Mazá acabou compartindo a súa afección polo punk-rock con rusos, israelís, serbios e compatriotas ucranianos ata formar un colorido circo que responde ao nome de Gogol Bordello e que respira ao ritmo que marca a música xitana da vertente ucraniana dos Cárpatos, o dub, o ska, os aires cinematográficos do spaghetti-western e, chegado o caso, ata a rumba ou a tradicional tarantella italiana.
Se o escoitas, convérteste en fan ipso facto, iso e o que lle ocorreu a unha das súas máis ilustres admiradoras, a mismísima Madonna, que caeu rendida os pes deste cíngaro de gran mostacho e extravagantes vestimentas e escolleuno como protagonista do seu debut como directora de cine titulado “Filth and wisdom”.
Ten actuado nos mellores festivais do mundo (Reeding, Glastonbury, Alive Lisboa…). O pasado ano a prestixiosa revista Rolling Stone cualificou o directo de Gogol Bordello coma un dos 20 mellores directos do mundo.
A de Vilagarcía será unha das tres únicas actuacións que fai en España e a única de Galicia.
LAMATUMBÁ:
Hai dez anos, en marzo de 1998, un grupo de amigos xuntaron as súas inquedanzas nunha bodega de Moreiras . Desta xuntanza naceu LAMATUMBÁ. Pronto comezaron a pasearse polos torreiros de Galicia ofrecendo unha mestura de ritmos de aquí e de alá que non deixaba que os pés quedaran no sitio. O mesmo caía unha cumbia que un reggae, un ska que un pasodobre, e todo mesturado cunha premisa fundamental: a festa e o poder denunciar cousas, pero sen perder o sorriso.
Hoxe Lamatumbá, é un dos principais expoñentes da música galega que leva polo mundo adiante a verbena do século XXI coa festa como única bandeira.
Señoras, señores, agarren parella que soltan á orquestra… Todo mundo a bailar!!!
FESTICULTORES:
Festicultores, os rumaníacos das grandes festas, os parrandeiros máis lexendarios das romarías nos últimos anos en Galicia, son os combatentes do EGFA, o Exército Gherrilleiro das Festas Armadas. Recrutando o peor de cada casa, os festeiros máis guerrilleiros do país toman as rúas e os escenarios, e fanse fortes cos seus ritmos balcánicos para dar batalla bailonga. Sen tregua. Festa a matar, ata a mañá, sempre!!!. Os Festicultores veñen con armas de festa masiva. Prepárense para a guerra da pachanga!
|
