 Observaciones |
|
|
SonDeSeu nace dunha experiencia musical e didáctica realizada no Conservatorio de Música Tradicional da Escola de Artes de. Alumnos e profesores formaron a primeira orquestra folc de Galicia. Un total de 35 músicos, dirixidos por Rodrigo Romaní, que recrean repertorio tradicional e de nova composición dende un espirito aberto, un timbre fundamentalmente acústico, instrumentos construidos na súa maioría no propio país por artesáns mesmo pertencentes á propia orquestra e arranxos contemporáneos na liña do xa clásico folc galego producidos en exclusiva para a formación polos profesores das aulas do conservatorio, todos eles con longa traxectoria no estilo.
A coidada presenza escénica constitúe de por si un espectáculo orixinal e vistoso. O son, potente e cheo de enerxía, transmite ó publico mensaxes de ledicia e harmonía, como xa o puxeron a proba nos concertos que veñen dando en Galicia.
SonDeSeu foi a revelación do Festival de Ortigueira na súa 25 edición. Agora presentan o seu espectáculo por primeira vez en Vilagarcía.
|
