Observaciones |
|
|
A Asociación de Familiares de Enfermos de Alzheimer, Afasal, pretende que a mocidade coñeza o seu proxecto solidario e que se implique nel. E para logralo, nada mellor que dedicar un dos seus Concertos Solidarios a este sector da poboación vilagarciá. A cita será mañá xoves, ás 21:30 horas, no local da antiga ferretería Sobrino, onde actuará o grupo The Preachers of Rock and Roll.
O rock será pois o ritmo que envolverá mañá a zona da Baldosa co concerto organizado por Afasal e cuxa entrada será libre e de balde. A directiva de Afasal confía en que sexa moita a mocidade que acuda a esta cita dado o fluxo de xente que se espera mañá en Vilagarcía na xornada de inicio das Festas de San Roque. Ademais, dende o colectivo social sinalan que o concerto de The Preachers, servirá para quentar motores de cara á velada musical que continuará ás 23:00 horas en Fexdega co concerto de Gogol Bordello.
Dado o éxito que tivo a iniciativa, Afasal, repetirá co seu posto de venta de doces caseiros, outra das medidas que teñen como obxectivo recadar fondos para desenvolver os programas sociais de atención a familiares e enfermos de alzheimer que esta nova asociación quere poñer en marcha. |