Observaciones |
|
|
“La lluvia amarilla” conta o paso fulminante da película dos últimos dez anos da vida de Andrés; concretamente, os anos que transcorren entre o suicidio da súa esposa e hoxe, momento en que a vida o abandona. Coa súa morte desaparece o último habitante de Ainielle, unha vila do Pireneo de Huesca. O autor avísanos: “Ainielle existe. No ano 1970 quedou completamente abandonada...”.
De maneira premeditada, marca unha ambigüidade entre realidade e ficción e obríganos a crear un espazo de entendemento baseado na verdade teatral e emocional. Coa viaxe de Andrés podemos reflexionar sobre a memoria –e o esquecemento–, a vontade, o tempo, a natureza, a identidade e o abandono do home e do mundo rural, cuxo éxodo nos anos cincuenta desertizou moitas paisaxes rurais hoxe irrecoñecibles. Espectáculo producido por (In)Constantes Teatro. |