 Observaciones |
|
|
A Banda de Música de Vilagarcía e o Coro do Liceo volven a reunirse para protagonizar a segunda gala da Noite de Zarzuela, que terá lugar o sábado, 13 de xuño no Auditorio. Para semellante evento, as formacións optaron por representar o libreto de M. Ramos Carrión, “Auga, azucarillos e aguardiente” coa música de F Chueca. Como de costume nas actuacións que ofrecen Banda e Coro, ó atractivo da música e voces en directo, sumaranse a representación do libreto, perfectamente ambientado cos decorados e roupas da época.
O xénero chico volve así a Vilagarcía cunha potente oferta de produción propia a cargo da Banda de Música e o Coro do Liceo, en colaboración coa Concellería de Cultura. Ó redor de 130 persoas participan no espectáculo, xa que pola parte do Coro interveñen preto de 70 voces, mentres que a Banda conta cuns 60 músicos. Tanto o vestiario como os decorados foron elaborados polos membros do propio coro.
A primeira parte do programa, cunha duración duns 50 minutos, centrarase na posta en escena dramatizada na zarzuela “Agua, azucarillos e aguardiente”. A segunda parte xa non será representada, e nela, Banda e Coro interpretarán fragmentos de zarzuelas moi coñecidas como “El Barberillo de Lavapiés”, “La Tabernera del Puerto” ou “Doña Francisquita”. Esta parte terá unha duración dusn 40 minutos.
|
