|
Un cento de scooters e lambretas e algo máis de 170 persoas procedentes de diversos puntos de Galicia e do resto de España participan na terceira scooterada. As motos yeyés máis represnetativas da pasada década dos anos 60 poderanse admirar na Alameda entre as doce da mañá e as catro e media da tarde. A esa hora está previsto que a caravana destes magníficos clásicos de dúas rodas dea un paseo polas rúas da cidade. As actividades competaranse á última hora da tarde no Parque Miguel Hernández cunha singular jinkana, ou carreira de lentos, na que os piotos deberán amosar as súas habilidades sobre os scooters para ser os últimos en cruzar a liña de meta. Gaña o que máis despacio poida conducir. O evento organizado polo Scooter Club Lambretta Vilagarcía, rematará cunha cea de confraternidade e cun guateque sesentero no pub Samá Samá e no que actuará o grupo os Glosters.