 Observaciones |
|
|
Lousiana Gospel Choir é unha mostra vibrante do conmovedor soul tradicional e o gospel moderno. A multitudinaria formación (con vinte coristas e sete músicos) que lidera Albert Mickel fai de cada actuación unha viaxe inesquecible pola historia do gospel, desde os espirituais dos escravos afroamericanos até os sons actuais.
Poden rememorar os espirituais cantados nas plantacións, ou facer un respectable tributo a Thomas Dorsey, o pai do gospel moderno.
O seu fundador e líder, Albert Mickel, naceu e viviu sempre en Nova Orleans. Herdou o amor pola música gospel da súa nai, cuxa cantante favorita era a súa concidadá Mahalia Jackson.
A formación de Albert Mickel recibiu en 2002 o “Big Easy Award” como mellor grupo gospel. A súa última gravación, South Hallelujah, foi considerado o “Mellor álbum gospel dun artista de Louisiana” nos 2001 Best of the Beat Award da revista Offbeat.
Louisiana Gospel Choir permite resaltar aspectos novos na música de Albert Mickel. Con esta formación, Albert Mickel está preparado para explorar harmonías tradicionais e modernas. As voces masculinas e a sección instrumental dan á formación gran presenza escénica, variedade tímbrica e un gran poder rítmico.
Este é un coro dinámico e enriquecedor onde os mellores artistas gospel de Nova Orleans foron elixidos para mostrar a música gospel da cidade en convencións, concertos e festivais de todo o mundo.
Nesta xira de verán de 2009, estrean en Europa o espectáculo “A Tribute to New Orleans”.
|
