VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O goberno inicia os trámites para levar a cabo a humanización da rúa Cervantes en Carril
Tal como estaba previsto, o Concello de Vilagarcía continuará co desenvolvemento do seu plan municipal de humanizacións cunha actuación no casco urbano de Carril, concretamente na rúa Cervantes. O goberno local vén de iniciar os trámites para levar a cabo esta actuación, para o cal na Xunta Local de Goberno celebrada esta semana acordouse adxudicar a redacción do proxecto á arquitecta vilagarciá Lucía Araújo Castiñeiras. Unha vez deseñada a actuación, as obras acometeranse a través dos fondos europeos do FEDER que, como se sabe, concedéronse para actuacións de desenvolvemento de cascos urbanos.

27.04.2018.- Lucía Araújo será a encargada de redactar o proxecto da primeira fase de da humanización da Rúa Cervantes e tamén de dirixir a obra. O importe do contrato por estes dous conceptos ascende a 10.545 euros.

O proxecto de humanización deberá atender aos obxectivos marcados polo Concello xa que con esta obra preténdese non so mellorar a estética desta céntrica rúa, se non facelo ademais baixo criterios de accesibilidade e buscando a dinamización social e comercial da zona. A maiores, e como en toda obra que desenvolve este goberno, aproveitarase a actuación para renovar as redes de saneamento e abastecemento.

A humanización da Rúa Cervantes, en Carril levarase a cabo case de forma simultánea coa de Vázquez Leis, en Vilaxoán. Ambos proxectos financiaranse cos fondos FEDER, aínda que no caso de Vilaxoán implementarase con fondos provinciais. Para a actuación de Vilaxoán xa existe unha memoria previa e en breve será adxudicada a redacción do proxecto.

< volver

+ titulares