OBRAS E SERVIZOS
A nova instalación de pluviais nos Borrizos evita o encharcamento da vía e garante o fluxo de auga no lavadoiro O Concello de Vilagarcía continúa ampliando e mellorando as redes de servizos básicos nas zonas do rural. A última actuación posta en marcha estase a levar a cabo na zona de Os Borrizos (Cornazo) e consiste na instalación dunha nova canalización de recollida de pluviais e na ampliación da rede de abastecemento de auga potable. Os traballos fináncianse con fondos propios e estanse a levar a cabo con man de obra municipal e, no caso do abastecemento, coa colaboración da concesionaria Espina y Delfín.
26.05.2018.- A maiores do beneficio quede por si supón dotar ou ampliar un servizo básico, estas dúas actuacións en concreto conlevan outros efectos positivos. No caso do novo tramo de pluviais, a actuación evitará a creación de bolsas de auga na estrada dos Borrizos, algo que acontecía sempre que chovía con certa intensidade e que elevaba os riscos na circulación viaria. A obra recolle e canaliza as augas da chuvia que antes escorregaban libremente e tamén as da fonte dos Borrizos, que se solía atascar e desbordar, e condúceas cara o lavadoiro próximo. Deste xeito garante o aporte de auga a esta construción popular e aténdese unha demanda veciñal.
A obra de ampliación da rede de abastecemento consistiu na instalación de uns 50 metros de nova canalización e permitirá que o centro sociocultural dos Borrizos e unhas casas das inmediacións poidan tamén conectarse á auga da traída municipal, posto que ata o de agora estaban a abastecíanse a través dunha traída veciñal dos mananciais de Lobeira.