VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
Os traballos de reposición de lousas trasládanse ás beirarrúas da Avenida da Mariña e Celso Emilio Ferreiro
Vilagarcía de Arousa, 29 de maio de 2018.- Os operarios do servizo municipal de Obras e Servizos continúan estes días co desenvolvemento da campaña de reposición de lousas soltas das beirarrúas do municipio iniciada a principios do mes de abril. En concreto, esta semana os traballos chegarán a Avenida da Mariña e a Avenida de Cambados. Tamén se repasarán as beirarrúas das rúas Celso Emilio Ferreiro e Fariña Ferreño.

29.05.2018.- Os traballos que se están a levar a cabo dentro das labores periódicas de mantemento das rúas municipais consisten na reparación ou reposición de baldosas e lousas que estean levantadas ou se atopen en mal estado. Estas labores contribuirán tanto a mellorar e conservar as beirarrúas como a favorecer a accesibilidade dos peóns.

O Concello leva a cabo de forma periódica este tipo de traballos nas beirarrúas con obxecto de ir resolvendo os problemas e incomodidades que para os peóns supoñen as baldosas rotas, que poden provocar traspés, ou mesmo soltas e que acumulan auga debaixo que salpica ao pisalas. Para levar a cabo esta campaña, o Concello investiu 5.363 euros na adquisición de lousas para repoñer.

Antes desta semana, xa se levaron a cabo en varias rúas do centro urbano, como Arcebispo Xelmírez, Santa Eulalia, Arcebispo Lago, Alexandre Bóveda, Alejandro Cerecedo, Praza da Constitución, Edelmiro Trillo e parte da Avenida da Mariña, e tamén en rúas periféricas, como Alfredo Brañas (no Piñeiriño), Agustín Romero o una Praza San Miguel Trabanca Badiña. Tamén se repasaron zonas peonís como Rey Daviña, O Castro e Castelao.

< volver

+ titulares