AVISOS
Alejandro Cerecedo terá un único sentido esta semana debido ás obras de levantamento dun paso de peóns As obras de elevación dun paso de peóns e de reposición de beirarrúa obrigarán a eliminar temporalmente un carril de circulación na rúa Alejandro Cerecedo esta semana. Durante a execución dos traballos, que comezaron hoxe, o tráfico rodado circulará unicamente dende a avenida Doutor Tourón cara a Praza de Abastos, Valle Inclán ou Arcebispo Lago. A medida non afecta ao acceso aos garaxes da zona nin a liña de autobús a Vilaxoán, aos que lles permitirá circular no outro sentido mentres duren as obras. O dobre sentido de Alejandro Cerecedo recuperarase tan pronto como rematen as obras, previsiblemente cara a fin de semana.
05.11.2018- Os traballos que se están executando correspóndense coa mellora da accesibilidade e humanización das travesías Alejandro Cerecedo, adxudicados á Marconsa. Inicialmente, estaba previsto comezar a medidos de semana, pero a empresa decidiu aproveitar a tregua dada pola chuvia durante a xornada de hoxe, para adiantar as obras.
A eliminación dun carril é necesario para poder acometer a elevación do novo paso de peóns que dará continuidade á zona peonil da travesía que parte da ponte de madeira que leva ao parque da Xunqueira. Este paso irá ao mesmo nivel que a travesía peonil e, ao igual que esta, construirase en formigón para unificar a imaxe da zona e dar sensación de continuidade.
Tamén estes días rematarase a substitución do tramo de beirarrúa de Alejandro Cerecedo que discorre entre ambas travesías.
O Concello prega desculpas polas molestias que podan causar a realización das obras, lembrando que redundarán nunha mellora estética e de seguridade viaria da rúa.