VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

XUVENTUDE
Julio Verne dará a benvida ao 2019 nunha Toma das Uvas retransmitida en streaming
A Toma das Uvas ás 12 da mañá do día 31 cumpre este ano o seu 20 aniversario. Por iso, o Concello introduciu unha novidade: a súa retransmisión en streaming a través das redes sociais Facebook e Instagram. Ademais, haberá un espectáculo baseado no universo imaxinativo de Julio Verne pola compañía de Pablo Méndez, que xa en anos anteriores sorprendeu ao público coas súas acrobacias aéreas.

22.12.20218. A cita será, como xa vén sendo tradicional, na praza de Ravella. O entretemento comezará arredor das 11 da mañá, con pasacalles, a actuación dun picadiscos e o espectáculo da compañía de Pablo Méndez dende as 11,45. Despois das badaladas, o espectáculo continuará ata as 13,30 horas, aproximadamente.

Os asistentes poderán brindar con cava e, por suposto, poderán tomar as preceptivas doce uvas. Todo con varias cámaras gravando e emitindo en streaming todo o que ocorra na praza da Ravella. Os espectadores tamén verán imaxes do interior do centenario reloxo dende o que os vilagarciáns darán a benvida ao 2019 ao mesmo tempo que nas súas antípodas, en Australia.

Na súa presentación, a concelleira de Xuventude, Sonia Outón, agradeceu publicamente o patrocinio que ano a ano prestan empresas como Gadis, La Metro ou Academia Elisa e, sobre todo, o esforzo dos moitos voluntarios que fan posible que arredor de 2.500 persoas teñan a oportunidade de celebrar o paso do ano na compaña de familiares e amigos no que é xa unha das grandes atraccións lúdicas e festivas de Vilagarcía.

A emisión das badaladas pode seguirse tanto dende Facebook (Concello de Vilagarcía e Toma das Uvas) como Instagram (Concello de Vilagarcía). A retransmisión comezará ás 11,30 horas.

< volver

+ titulares