OBRAS E SERVIZOS
O Concello readxudica a mellora integral da mobilidade da contorna de Fexdega tras a crise de Nexia O Concello de Vilagarcía salvou a situación de bloqueo na que se atopaba a obra de mellora integral da mobilidade na contorna de Fexdega que fora adxudicada a Nexia Infraestruturas antes de que a construtora se declarase en quebra. O problema resolveuse na Xunta de Goberno Local celebrada o luns, na que se acordou readxudicar o proxecto a Fevisa Vías e Obras por importe de 265.833 euros. Previamente xa se procedera á rescisión do contrato con Nexia, asinado no mes de en xullo sen que ni tan sequera comezase a obra.
12.03.2020.- O proxecto de Mellora Integral da Mobilidade e a Seguridade Viaria das rúas da contorna de Fexdega permitirá mellorar as condicións de comodidade e seguridade das rúas que bordean o recinto feiral, tanto para o paso dos peóns como para a circulación viaria. As obras afectarán ás rúas que unen a avenida de Rodrigo de Mendoza á altura do enlace coas Bocas, ata a avenida de Agustín Romero, practicamente fronte á sede de Protección Civil. Os traballos previstos incidirán de xeito moi positivo no tráfico rodado e tamén na seguridade dos peóns nas rúas Limoeiro, Nogueira e Filgueira, ao tratarse de vías moi frecuentadas por bordear un centro de gran atracción de público como é Fexdega, lugar onde se celebran feiras, concertos, eventos de todo tipo e tamén a actividade deportiva diaria de clubs e da propia Fundación Municipal.
O proxecto consiste en consolidar un ancho fixo de 5 metros para o vial, deixando o resto para beirarrúas, que nun caso se crearán, noutros se ampliarán e noutros se mellorarán. Igualmente, se renovarán todos os servizos, o que implica actuar sobre as canalizacións de electricidade, auga potable, augas residuais, etcétera.
Tamén se mellorará a sinalización horizontal e vertical, o que inclúe pasos de peóns. Para facilitar o acceso á avenida de Agustín Romero prevese a demolición dun pequeno galpón ao final da rúa Limoeiro, facilitando con iso a visibilidade, nunha saída que, aínda que está regulada por semáforo, prodúcese nunha curva e a escasos metros doutro cruce.
Os traballos, que teñen un prazo de execución de 6 meses, fináncianse a través do programa DepoRempese da Deputación cunha achega do Concello.