VILAGARCIA DE AROUSA

EDUCACIÓN
Comeza o prazo para solicitar as axudas municipais á escolarización en educación infantil
O Concello de Vilagarcía abre mañá, 24 de xuño, o primeiro prazo para solicitar as Axudas Municipais á Escolarización Infantil que se convocan dende hai anos para aliviar o desembolso que deben facer as familias para a compra de materiais a principio de curso. Como xa se fixo o ano pasado, establécese un primeiro prazo de tramitación no mes de xuño (do 24 de xuño ao 10 de xullo). A maiores, abrirase un segundo prazo en setembro (do 7 ao 19) para que os máis rezagados tamén teñan a oportunidade de acceder ás subvencións. As bases da convocatoria saen publicadas no Boletín oficial da Provincia de hoxe, 23 de xuño.

23.06.2020.- O Concello, a través dos rozamentos das concellerías de Educación e Servizos Sociais, dispón dunha partida de 15.000 euros para estas axudas destinadas ás unidades familiares de convivencia residentes e empadroados no Concello de Vilagarcía de Arousa que teñan fillos matriculados nas etapas 1ª e 2ª de Educación Infantil (de 0 a 6 anos), nos centros de ensino sostidos con fondos públicos e nas Escolas Infantís autorizadas de Vilagarcía de Arousa. As axudas son de 60 euros por alumno.

Aínda que a escolarización non é obrigatoria na etapa Infantil, o goberno socialista considera que esta é unha medida imprescindible para un mellor desenvolvemento do neno tanto a nivel educativo como social e persoal, ademais de ser unha medida necesaria en moitos casos para a conciliación laboral. De aí que fomente a escolarización nesta etapa ofrecendo estas axudas que se conceden tendo en conta o nivel de ingresos da unidade familiar, a computar segundo a declaración da Renda relativa ao exercicio de 2019. Dado que a campaña para facer a declaración do IRPF aínda está en curso, non é preciso que os solicitantes presenten copia na solicitude das axudas. Chega con que autoricen ao Concello a consultar os datos fiscais unha vez que Hacienda os teña. No caso de non ter presentado declaración de renda, terase en conta os datos facilitados polo Servizo Público de Emprego e/ou a Tesourería Nacional da Seguridade Social.

No caso de que as solicitudes que cumpran os requisitos superen a consignación orzamentaria dispoñibles, as axudas concederanse seguindo a orde da renta per cápita, comezando polas inferiores e ata esgotar a partida.

Os interesados obter os formularios e consultar as bases e o formulario de solicitude no taboleiro de anuncios da web http://www.vilagarcia.gal ou nos departamentos municipais de Educación e Servizos Sociais. As solicitudes deberán presentarse no rexistro Xeral do Concello de luns a venres en horario de 8.30 a 13.30 horas.