VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

DEPORTE
Vilagarcía xa dispón na Florida dun pump track habilitado para acoller competicións oficiais
Vilagarcía vén de sumar ás súas infraestruturas deportivas o novo pump track da Florida, unha instalación composta por un dobre circuíto combinado que permitirá acoller competicións oficiais das distintas modalidades de BMX, así como a práctica diferenciada por parte de usuarios de nivel medio e alto. O alcalde, Alberto Varela, xunto con concelleiros de goberno local e o autor do proxecto, Miguel Fiunza, visitaron as instalacións que acaban de ser rematadas e nas que o Concello investiu 50.000 euros de fondos propios.

31.03.2023.- Varela lembrou que a construción do pump track foi unha proposta realizada por un grupo da oposición durante a negociación dos presupostos municipais e que o executivo socialista incorporou aos proxectos a realizar “porque nos pareceu unha boa idea”. O rexedor engadiu unha razón máis: “atender as demandas que van xurdindo coa aparición de novas prácticas deportivas, neste caso relacionadas co BMX, de igual xeito que decidimos reformar o parque do Cavadelo no que proximamente se vai a construír o novo Sakete Park para dar cabida aos distintos deportes urbanos con instalacións e equipamentos axeitados”.

Na estrea oficial do pump track da Florida estivo presente un dos deportistas de BMX aos que o Concello consultou á hora de redactar o proxecto definitivo. Foi Víctor Mariño -subcampión de España en descenso en BTT en 2018 na categoría junior e recente top 20 no campionato de Portugal- o encargado de testar o circuíto realizando varias voltas e saltos polas pistas.

< volver

+ titulares