ECONOMÍA
A praza de abastos acolle este luns a presentación da ecoetiqueta A praza de abastos de Vilagarcía acollerá este luns a presentación da ecoetiqueta "Pescaenverde", que ten por obxecto destacar a importancia das certificacións na industria pesqueira para garantir un desenvolvemento sostible dun sector tan importante para Galicia. O acto, que contará coa presenza do alcalde, Alberto Varela, e o concelleiro de Promoción Económica, Álvaro Carou, está preferentemente dirixido ás peixeiras da propia praza, que son unha canle esencial para transmitir esa idea de sustentabilidade aos consumidores.
13.04.2024. A certificación conta co respaldo científico do grupo de investigación de Biotecnoloxía Ambiental da Universidade de Santiago de Compostela, que dirixe o doutor Gumersindo Feijoo. O tamén vicerreitor de Transformación Dixital e Innovación da USC estará presente no acto do luns e será el quen detalle o valor da certificación e da ecoetiqueta.