VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

MULLER
High Paw imparte o venres en Vilagarcía un obradoiro de rap feminista, con inscrición de balde
A rapeira High Paw, unha das principais expoñentes galegas do xénero, impartirá este venres o venres un obradoiro de hip hop e improvisación dende unha vertente feminista, titulado ‘Aprendendo a dar resposta’. O obradoiro pretende dotar á rapazada de ferramentas de expresión e de defensa oral que lles permitan dar resposta a agresións verbais. Para iso utilizará xogos de improvisación e outra técnicas propias da cultura hip hop.

29.04.2024. As e os participantes aprenderán os conceptos básicos do rap (ritmo, flow, rima…) e descubrirán as posibilidades da súa voz e toda a súa versatilidade á hora de crear personaxes ou xerar ambientes.

Nunha segunda parte, explica High Paw, “achegarémonos aos xogos de improvisación galegos, como a regueifa, e a outros que teñen que ver co rap, como as batallas de galos. Escoitaremos algún exemplos en directo, e por suposto, xogaremos!”.

O obradoiro está dirixido a rapazas e rapaces a partir dos 10 anos. Impartirase na sala de conferencias do auditorio, o venres 3 de maio, de 16 a 18.30 h.

A inscrición é de balde e pode realizarse por correo electrónico ( muller@vilagarcia.gal ), a través da web sede.vilagarcia.gal ou presencialmente na Área de Igualdade do concello de Vilagarcía.

HIGH PAW
Consolidada artista galega que dende parques e escenarios vén acumulando experiencias de facer música en grupos e quere achegar á mocidade novas formas de relacionármonos dende o respecto, a asertividade, a expresión verbal creativa e o disfrute do tesouro da música, que é de todas as persoas.

Ten publicados varios discos e actuado nas principais salas galegas ademais de en festivais como o Minho Reggae Splash, Revenidas, Fiestizaje ou Verdoejo Rock, en Portugal.

< volver

+ titulares