VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

EDUCACIÓN
Setecentos escolares asisten ao concerto “Clásicos Divertidos” da Escola Municipal de Música
A Escola Municipal de Música Bernardo del Río convoca mañá aos escolares do municipio a unha sesión na que poderán tomar contacto coa música clásica de xeito lúdico. Trátase do concerto didáctico “Clásicos Divertidos” ao que está prevista a asistencia de setecentos alumnos e alumnas dos centros de Educación Primaria e Especial de Vilagarcía. A actividade promovida pola Concellería de Educación celebrarse mañá, 7 de maio, ás 11.00 horas no Auditorio.

06.05.2024.- O formato deste concerto está adaptado ao público ao que vai dirixido: escolares de 6 º de Infantil e de 1º de Primaria, así como alumnos dos Centro de Educación Especial. Por iso será unha experiencia dinámica e interactiva na que a rapazada participará de varias formas. A través dun percorrido musical polos grandes compositores da música clásica, os nenos e nenas descubrirán os elementos básicos da linguaxe musical ao tempo que verán estimulados valores e actitudes sociais como a cooperación, a harmonía de grupo, a sensibilidade e o respecto.

O concerto "Clásicos Divertidos" nace o ano no que o centro Bernardo del Río conmemora o seu 30ª aniversario. Para facilitar a asistencia dos escolares, a Concellería de Educación proporciónalles o transporte en autobús.

< volver

+ titulares