VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Anan Abdalah presenta a segunda parte da triloxía “Ojos de Palestina” en plena recrudescencia dos ataques israelís
El plena recrudescencia dos ataques israelís a Rafah e á rexión de Gaza, e inmersos nun complicado proceso de negociación do alto o fogo, o drama do pobo palestino cobra protagonismo en Vilagarcía co novo libro de Anan Abdalah. O médico xubilado, afincado en Galicia dende hai 52 anos, vén de publicar a segunda parte de “Ojos de Palestina”, traballo que presentará este venres, 10 de maio, ás 20.30 horas no acto público a celebrar na Sala de Conferencias do Auditorio. Como xa acontecera na posta de largo da primeira novela, o alcalde, Alberto Varela, acompañará ao autor nunha sesión na que tamén intervirán os xornalistas Fernando Salgado e Serxio González. A entrada é libre e de balde.

07.05.2024.- A ficción novelada de “Ojos de Palestina” cobra, se cabe, maior realismo no panorama actual no que nos atopamos. A segunda obra da triloxía avanza na aproximación histórica, persoal e sentimental ao pobo ao ansiado Estado Palestino que o autor presenta a través da vida de varias xeracións dunha mesma familia. As vivencias persoais e cotiás destas persoas, xunto cos feitos históricos e os acontecementos mediáticos que se suceden e condicionan a súa existencia, achegan ao lector a un drama sostido no tempo pola incapacidade, á impotencia e, en ocasións, mesmo a aquiescencia da Comunidade Internacional.

Trátase dunha “feroz, pero documentada crítica aos que por acción ou omisión, ocasionaron ou permitiron o sufrimento do pobo Palestino”, e unha mostra de solidariedade con todas as vítimas desta inhumana inxustiza.

O autor

Anan Abdalah naceu en 1954 en Nablus, unha localidade situada ao norte de Xerusalén. Alí cursou os seus estudos primarios e preuniversitarios, trasladándose a España en 1972. Aquí, estudou Medicina na Universidade de Santiago de Compostela, profesión que exerceu no noso país durante 33 anos, tanto na área pública como na privada.

< volver

+ titulares