VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
Chaves presenta na Rivas Briones “Terra”, unha mostra retrospectiva e monográfica inspirada na natureza
“Terra. Un itinerario pictórico pola natureza” é o título da exposición de Xaquín Chaves que se pode visitar desde hoxe na sala Antón Rivas Briones. Trátase dunha mostra pictórica monográfica e de carácter retrospectivo, inspirada na natureza e coa que o autor volve a amosarse ao público de Vilagarcía. Con ela, “un dos artistas máis representativos e relevantes de Vilagarcía”, en palabras do alcalde, Alberto Varela “regresa a súa casa, a esta sala municipal que ten como obxectivo amosar e promocionar a obra do gran talento artístico que temos na nosa cidade e do que Chaves é un dos seus máximos expoñentes”.

10.05.2024.- Todas as obras reunidas en “Terra” son inéditas e, precisamente por iso, o autor sentía “a necesidade de expoñelas e dalas a coñecer ao público”. Por iso agradeceu ao Concello de Vilagarcía a oportunidade de volver a contar coa sala Rivas Briones para facelo e de completar esta acción cultural coa publicación dun coidado catálogo.

Chaves explicou que a mostra se divide en tres apartados. O primeiro compóñeno tres grandes obras que o autor creou durante a Covid e que son froito dos paseos pola natureza que se permitían dar durante o confinamento parcial. Trátase de pinturas realizadas con técnicas caligráficas combinando carbón e tinta sobre papel.

Un segundo bloque esta formado por outras tres obras de tema naturista, mariñas, entre as que destacan unha gran crista de ondas e un penedo sobre o mar. E o terceiro apartado, o situado no andar superior da sala, acolle pinturas de pequeno formato que poden entenderse como o caderno de bitácora no que o autor plasma as ideas que lle van xurdindo a diario.

< volver

+ titulares