VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

AVISOS
As chuvias previstas para o martes obrigan a trasladar ao domingo de Piñata o desfile de Entroido
A previsión meteorolóxica para mañá, martes de Entroido, apunta un 100% de probabilidades de choiva entre as 12 do mediodía e as 12 da noite. Ante este panorama, e para non estragar o desfile de carrozas e disfraces que tradicionalmente se celebra o martes de Entroido, a Concellería de Cultura decidiu suspender o acto de mañá e trasladado ao domingo de Piñata.

Os dous días posibles para encaixar o desfile na programación eran o sábado e o domingo de Piñata. A decisión de celebralo o domingo adoptouse para evitar a coincidencia co maior número de actividades previstas no municipio e por motivos de operatividade da Policía Local e Emerxencias. O sábado celébranse o Enterro do Arenque en Bamio e o Enterro da Sardiña en Vilaxoán e os locais da cidade organizan o concurso do Sábado de Piñata. Pola contra, o domingo so está previsto o Enterro da Sardiña do Gato Negro.

Concellería de Cultura informará esta mañá do cambio a todos os grupos e persoas que se apuntaron para participar no desfile. Dende o departamento que dirixe Rocío Llovo confían en en que o cambio de data non inflúa na elevada participación de disfraces e de público que gozan cada ano deste divertido e colorido evento, e lembran que se repartirán 3.000 euros en premios. Dada que as previsión meteorolóxicas para o domingo 9 de marzo son máis benévolas, espérase que o desfile luza como de costume e sirva para poñer o broche de ouro ao Entroido 2014 en Vilagarcía.

< volver

+ titulares