SERVIZOS SOCIAIS
Vintecinco persoas beneficiáronse do programa Xantar na Casa en 2016 Un total de 25 veciños de Vilagarcía se beneficiaron o ano pasado do programa Xantar na Casa que prestan os Servizos Sociais do Concello no marco das iniciativas de apoio á unidade de convivencia e axuda no fogar.Este programa consiste nun servizo de comida a domicilio para persoas dependentes que ten como obxectivo evitarlle os riscos que lles pode conlevar a eles preparase as súas comidas á vez que garantirlle unha alimentación equilibrada en base as súas necesidades concretas.
13.04.2017.- O Concello de Vilagarcia presta dende 2009 o programa Xantar na Casa. Os usuarios incrementaron nos últimos dous anos, xa que o número habitual anteriormente non pasada dos 20, chegando o ano pasado aos 25. O número non é constante todo o ano, xa que tamén se teñen producido algunhas baixas e en 2017 xa se rexistraron 2 novas altas.
Idade media de 77 anos
O usuarios do Xantar na Casa están igualados en canto a sexos, xa que hai 12 homes e 13 mulleres. O abano de idade é amplo, cos extremos nos 37 e 95 anos, sendo a media de idade os 77 anos. Máis da metade dos usuarios, un total e 16, conviven solos nas súas casas e 3 deles eran tamén usuarios do Servizo de Axuda no Fogar.
O Xantar na casa é un programa subvencionado polas administracións. Xunta e Concello financian a partes iguais o 66% do custe, mentres que a cota máxima a pagar polo usuarios sería do 33% restante. Non obstante, contémplanse bonificacións a maiores para as persoas con menos ingresos, polo que dos 25 usuarios que tivo o servizo o ano pasado 24 deles so abonaron o 25% do custe e 1 incluso contou cunha axuda maior, ao térselle reducida a cota ao 12,5%.
Xantar na Casa ten como obxectivo fundamental mellorar o nivel de benestar e calidade de vida e previr situación de risco nas persoas maiores ou dependentes. Para el, un servizo de cátering lévalles so seu domicilio menús completos para a comida e a cea, adaptados a necesidades e dietas médicas que lles estean indicadas a cada un deles, e que son precisan de quentar no microondas.