VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
Touriñán e Carlos Blanco ofrecerán unha segunda función o día 11 de maio diante da alta demanda de entradas
Xosé Antonio Touriñán e Carlos Blanco teñen garantido o éxito do seu novo espectáculo, "Somos criminais", na súa presentación en Vilagarcía. Tan é así que a súa produtora acaba de anunciar que dende hoxe xa é posible adquirir entradas para unha segunda función, o mesmo día, 11 de maio. A decisión débese á alta demanda de entradas, como o demostra o feito de que cando fallan case tres meses para a función en menos dunha semana xa se vendeu o 85 % do aforo (arredor de 650 das 754 butacas dispoñibles).

31.01.2018. Así pois, Touriñán e Blanco farán sesión dobre: unha ás 20,30 horas e outra ás 23,00 horas. Os prezos son os mesmos para as dúas funcións: 12, 10 e 8 euros (en función da zona máis preta ao escenario: A, B e C) en venda anticipada. Tamén poderán adquirirse as entradas o mesmo día, na billeteira do auditorio, con prezos de 15, 12 e 10 euros). A venda anticipada se xestiona a través de Tiketea ( http://www.tiketea.com ) e da billeteira telefónica do 902 044 226.

En "Somos Criminais" Touriñán e Blanco tratan de responder a preguntas como se os galegos temos unha cultura criminal propia. Así, e sempre dende a perspectiva da retranca, os cómicos analizan e dramatizan crimes autóctonos en todas as súas variables: o crime por arroutada, o crime familiar por causa das herdanzas, o asasinato por suxestión... Tamén analizan as orixes do narcotraficante galego, para chegar a unha conclusión: "Somos criminais".

< volver

+ titulares