 Observaciones |
|
|
O Auditorio municipal encharese este martes, día 17 de xullo, do espírito de “La Barraca”, aquel grupo de teatro co que García Lorca percorreu España entre 1932 e 1936. Será da man da Sociedade Estatal de Conmemoracións Culturais e do grupo de teatro da Universidade de Jaén, e un clásico: “Entre bobos anda el juego”, de Francisco de Rojas Zorilla. A entrada é gratuíta.
O Ministerio de Cultura a través da Sociedade Estatal de Conmemoracións Culturales (SECC) deseñou un nuevo programa cultural para o verán de 2007 que, baixo o título de “Las huellas de La Barraca”, completará o proxecto “Las rutas de La Barraca” impulsado pola SECC en 2006. O novo proxecto recolle, unha vez máis, o espírito da aventura emprendida por Federico García Lorca entre 1932 e 1936, coincidiendo co 75 aniversario da súa posta en marcha, aínda que non se ciñe, como o ano pasado, a percorrer exclusivamente as vilas polas que pasou o escritor granadino, é o caso de Vilagarcía.
Nesta ocasión, os catro grupos de teatro seleccionados pertencentes ás universidades de Carlos III de Madrid, Murcia, Jaén e Puerto Rico (Río Piedras) abordan catro novas rutas –Galicia; Cantabria-Asturias-Castilla e León-La Rioja; Vía de la Plata (Castilla e León-Extremadura-Andalucía) e Teruel-Soria- nas que engadirán ás localidades visitadas por García Lorca outras novas que adoitan quedar á marxe das xiras de teatro deseñadas polas compañías convencionais.
A actuación en Vilagarcía está prevista para o martes 17, ás 21 horas, no auditorio municipal. A entrada é libre e gratuíta ata completar aforo.
|
