![](../festas/Images/trans.gif) Observaciones |
|
|
A compañía Bengala Produccións pon en escena esta versión operística en galego do conto popular urso, "Historia do soldado", coa música de Igor Stravinsky. Cun formato adaptado a un público familiar, a montaxe está dirixida por de Xosé Manuel Rabón e no reparto participan Diego Neira, Luís Martínez e Lino Braxe, entre outros, así como a Sinfonieta de Vigo. A dirección musical corre a cargo de Xoam Trillo.
A historia da obra parte da eterna lenda da venda da alma ao diaño. Neste caso trátase dun soldado que, en troques de lle entregar a alma, cédelle o seu violín a cambio de riquezas, o que desemboca na súa posterior infelicidade. Mais para achegar un relato de tal trascendencia e complexidade a un público infantil, Bengala Produccións decidiu situar a acción na pista dun circo, onde o elemento principal, o templete da música, semellando un tambor, é a motivación do percorrido que o soldado ha facer para tentar chegar á súa casa. Os músicos da orquestra, presentes tamén en escena irán vestidos de acordo con este contexto circense. |